Ég er í fyrsta sinn orðin 29 ára.
Dagurinn byrjaði æðislega. Litlu himnesku prinsessurnar mínir komu hlaupandi með afmælisgjafir til mín, og aðstoðuðu við að opna þær. Ég fékk líka knús, kossa og auðvitað var sunginn afmælissöngurinn fyrir mig.

Um kvöldið fórum við fjölskyldan svo á Rizzo pizza og fengum okkur gott í gogginn þar, svo var haldið heim á leið þar sem við gæddum okkur á hinum sívinsælu cheerioskökum.
Ég hef fengið cheerioskökur á afmælinu mínu í amk 25 ár. Enn eru þær það sem ég tengi mest við afmæli (fyrir utan að blása á kerti og afmælissönginn) og finnst þær ómissandi í afmælum hjá okkur.

Svo gladdi það mig auðvitað óheyrilega að fólk skyldi muna eftir mér og hringdi í mig til að óska mér til hamingju með daginn.

Ég er ofsalega mikil afmælismanneskja, finnst æðislegt að eiga afmæli og frábært þegar fólk á afmæli. Einn dagur þar sem allt snýst um þig Einn dagur sem þú átt ekki að þurfa að hafa fyrir öllu heldur er fólk að gleðja þig.  Mér finnst afmæli eins ómissandi og jól og páskar. (og ég safna jólagjöfum fyrir stelpurnar mínar í 6 mánuði svo jólin verði alveg örugglega eins æðisleg og þau geta orðið).

Ég hef hingað til ekki fundið titringinn yfir að verða dörtí þörtí á næsta ári.. hins vegar ákvað ég nú að þar sem Ingibjörg Rósa gat orðið að hlaupara fyrir þrítugsafmælið sitt, að ég ætla að taka amk 5km í kvennahlaupinu.. aftur

Við erum búin að eiga nokkra sæludaga núna
Reyndar er ég búin að snúa sólarhringnum aðeins öfugt en það hlýtur að fara að jafna sig, dagarnir eru langir en það lagast nú allt

Ég strengdi líka nokkur áramótaheit og það ætti ekki að vera erfitt að standa við þau, bara spurning um að geta haldið sig við efnið

Annars er ég að detta í ofurmömmugírinn aftur af því að Gunnsteinn minn er að byrja í skólanum aftur og þá sit ég ein um heimilið og fjölskylduna í ágætistíma í viku hverri og þar sem ég er nú bara eins og ég er, þá vil ég ekki að það sé ryk, drasl, óhreint eða neitt slíkt hér en vil samt ekki vera að reyna að taka til og þrífa á sama tíma og skotturnar mínar eru vakandi - það er okkar tími saman

Eigum við að ræða það eitthvað hversu vel mér gekk í prófi (sem ég þurfti nánast áfallahjálp eftir að hafa tekið).

A BIG FAT 9,5!!!

Gleðileg jól til mín!

Jæja, 22. desember kominn og nánast bara kortér í jól

Það sem af er desember og já, eiginlega síðan uppúr 20. nóv hefur ekki verið mikið um fagra frídaga hjá fjölskyldunni. Við áttum saman notalegt föstudagskvöld en þá sat ég með vín og skrifaði kveðjur aftan á jólakort til þeirra sem við sjáum sjaldnast, eða búa erlendis og er þetta fyrsta kvöldið í des. sem flokkast getur undir afslöppun.

Við hjónakornin erum bæði búin að fara í próf (og lesa undir þau til skiptis takk fyrir), sunnudagaskóla, fimleikaæfingar/sýningar, taka þátt í undirbúningi jólaballsins á leikskólanum hennar Júlíu Lífar, halda afmæli, fara í afmæli, fara á jólahlaðborð, saumaklúbbar, gæsun, vinna, og ég get haldið áfram upptalningunni.

Núna fer þetta þó að róast aðeins og ætla ég að koma litla jólatrénu upp í kvöld og skreyta það og jólakortin fara í póstinn í dag.  Hins vegar keyrum við jólagjafir út á þorláksmessu, að venju, og sum kortin fara með þá

Nú má ég alveg við því að fólk hugsi fallega til mín, ég er nefnilega á kafi í prófalestri og finnst mér ekki ganga alveg nógu vel.

Prófið er svo á morgun svo ég má hafa mig alla við, bæði í vinnu og lærdómi!

Ég er bara búin að vera "lightheaded" sl. daga, með smá svima (eða já.. ringluð eiginlega bara)  og ég þarf að vera laus við þá tilfinningu bara asap svo ég geti nú einbeitt mér almennilega að því sem ég er að læra.

kv.
Gunnhildur - í smá stressi.

Ég var ein með prinsessunum mínum í gær og ákvað að vera svona líka sniðug og baka smákökur...
Eftir að hafa skellt fyrstu plötunni í ofninn fannst mér þær líta eitthvað undarlega út og lét því Gunnstein smakka þegar hann kom heim, hann borðaði eina og sagði ekkert svo ég hélt þá að þetta væri í góðu og skellti á næstu plötu og inn í ofn, svo er mér litið á þær og segi að þær séu nú ekki eins og venjulega
Ég fæ mér eina og þá loks segir maðurinn að þær séu sætari en síðast!!!!

Eigum við að ræða það að ég gleymdi að setja egg í uppskriftina...
Ég var ekki að trúa því!! Hef aldrei klikkað svona en var eitthvað að pæla í eggjum og ákvað svo, eftir að hafa gefið prinsessunum að borða, hátta og taka smá til að það hlyti að vera að okkur vantaði fleiri egg....  Ekki alveg, ég bara gleymdi þessu...


Tilraun 2 verður því hjá mér kl. 17 í dag því ég var búin að lofa stelpunum smákökum.

Sem betur fer voru þetta ekki sörur eða súkkulaðibitajólakökurnar.

Kveðja,
The cookie master.

Við hjónin erum að detta í ágætis prófatíð núna, erum reyndar búin að taka ágætistörn í því bara í nóvember, en við klárum bæði fyrir afmælið hennar Júlíu Lífar.

Við erum byrjuð að hengja upp jólaskrautið og jólaljósin, nema okkur langaði til að setja hvítar seríur í alla glugga svo Gunnsteinn fór og ætlaði að bjarga því... þegar hann reiknaði að þetta væri í kringum 20.kjell þá var ég nú ekki alveg á því sko, við eigum nefnilega rauðar seríur frá "rauða tímabilinu" og þær eru í góðu lagi hjá okkur... Það eru on-going samningsviðræður um þetta eins og er.  Merkilegt því ég er jólabarnið!!

Svo er ég nú búin að sjá það út að mig vantar skó (já, mig vantar þá). Rauða háhæla eða flatbotna ballerínu, og svo eina brúna... og þá vantar mig stígvél sem eru með pínulitlum hæl...   já ókei, kannski vantar mig ekki allt en mig langar í

Við skelltum stelpunum í pössun til mömmu og pabba á fimmtudaginn og fórum til Danmerkur
Ferðin var auðvitað æðisleg og fólkið frábært.  Við gistum hjá Möggu og Svenna, drukkum okkur hress með þeim og kíktum auðvitað í smá skoðunarferð með þeim um Köben.
Eyddum æðislegu laugardagskvöldi með bankapæjunum, Mojitoarnir runnu ljúflega niður þar.

Við kíktum á Guðrúnu frænku, en hún er í Vesterbro... Við fengum ágætis leiðbeiningar heim til hennar en auðvitað var hún í vinnunni svo hún gaf upp nýjar leiðbeiningar um hvernig við kæmumst þangað og endaði samtalið á að við værum ca 8 mín frá henni.... 20 mín seinna og við Gunnsteinn enn á röltinu spurði hann hvort ég vissi hvert við værum að fara, sæll hvað hann var sáttur þegar ég sagði að hún hefði bara talið upp endalausar götur og ég hefði eiginlega ekki skilið neitt en héldi að þetta væri svona c.a. rétt!  Þetta hafðist á endanum, með smá leiðbeiningum og símtölum en ég fékk ekki að taka við fleiri svona vegaleiðbeiningum eftir þetta. Ég meina, mín hægri eða þín hægri?!
 
Gunnsteinn er líka kominn með nýja aðferð til að koma í veg fyrir að ég eyði peningum í kreppunni. Hann tók peningana úr veskinu sínu og setti annarsstaðar (hann og Svenni voru á leið á djammið og hann vildi ekki hafa of mikið af peningum á sér), með orðunum um að hann myndi muna þetta á morgun. Daginn eftir erum við komin alla leið på Ströget þegar ég spyr hvort hann sé ekki með peningana og hann svara bara pent "nei".   Við ákváðum þá að vera ekkert að skutlast alla leið til baka því við ætluðum nú ekkert að kaupa neitt þannig lagað í þessari ferð.
Síðast þegar við fórum út þá stakk hann uppá að ég myndi láta laga gleraugun mín uppi í Leifsstöð áður en við færum í Fríhöfnina.. það endaði á því að hann leiddi mig í gegnum Fríhöfnina þar sem ég var gleraugnalaus. Svo þegar ég var á kafi í að skoða eitthvað, alveg með andlitið í hillunum svo ég sæi hvað ég væri að skoða, þá kom þessi elska upp að mér og sagðist ekki geta látið sjá okkur svona, ég væri svo hallærisleg með nefið í hillunum. 
Hann deyr ekki ráðalaus og hugmyndirnar eru að verða betri og betri.  Spurning hvað bíði mín næst, eða hvort ég taki bara peningana og hafi þá næst? 

Það er farið að styttast í Halloween!!!  Alveg er ég til í smá halloween hitting!!!

Þar sem ég þori varla að kíkja á mbl.is þessa dagana þá er kannski best að blogga smá.

Ég er með hnút í maganum og stundum held ég að hann sé kominn til að vera. Efnahagsmál og svartar fréttir í öllum fjölmiðlum orsökuðu þetta nú til að byrja með, en svo bætist við að ég er á leið í próf í næstu viku... og skil efnið ekki mikið svo þetta verður ekkert easy peasy, en gengur þó vonandi ef ég fæ tækifæri til að lesa og undirbúa mig almennilega. (er orðin of þreytt til að gera eitthvað af viti kl. 21 á kvöldin enda sofnuð um kl. 22    Veit, ég er old.
Ég var að pæla í því í gær hvort það gæti verið að þetta væri líkaminn að bregða sér í einhverja vörn, ég þarf að læra og að læra fyrir próf... en það eina sem ég get hugsað um er að sofna og ég sef alveg eins og grjót og gæti sofið meira en ég geri... Gæti þetta verið sjálfsvörn að lamast af þreytu?

Við hjónin fórum saman í leikhús í lok síðasta mánaðar og það var hreinlega æðislegt! Fórum á Fló á skinni og hlógum okkur máttlaus og þótti þetta hin besta skemmtun.  Hittum reyndar fólk í leikhúsinu sem við þekkjum, tvenna nágranna úr húsinu okkar  

Gunnhildur gleðipinni

Við Gunnsteinn ákváðum að þar sem við vorum að skríða heim í gær eftir langan dag að kíkja og fá okkur að borða smá. (nenntum ekki að elda og háttatími Ragnheiðar Lovísu á næsta leiti).
Næsta sem ég veit þá pikkar Emil hennar Önnu Siggu í mig og ég auðvitað knúsa hann og kyssi til hamingju með nýja eintakið. Í ljós kemur að Anna Sigga var úti í bíl með soninn á meðan Emil og Mikael Orri stukku inn að fá sér smá að borða.  Ég rauk að sjálfsögðu út með það sama og kíkti á litla krúttið og ji minn eini!!!  Hann er þvílíkt fallegur með ljóst hár og mér fannst hann svolítið líkur stóra bróður sínum sko.


Eigum við að ræða hvað mér finnst langt síðan litlan mín var svona lítil?


Innilega til hamingju með litlu bjútíbolluna!!

Kv. Gunnhildur

Elsku Anna Sigga, Emil og Mikael Orri, innilega til hamingju með litla prinsinn!

Það fjölgar nokkuð ört í þessum barnahóp okkar... hver ætli sé næst af stað?

kv. Gunnhildur

Við Gunnsteinn skelltum okkur auðvitað á Eric Clapton tónleikana á föstudaginn var. Gunnsteinn (ásamt þeim sem við fórum með) eyddu klukkutíma og kortéri í biðröð eftir bjór og vatni... þeir voru svo lengi að við konurnar vorum farnar að pæla hvort þeir hefðu bara týnst eða væru fullir hjá dælunum
Tónleikarnir sjálfir voru æðislegir og við skemmtum okkur mjög vel, hefði samt alveg verið til í nokkur lög í viðbót (frekur vill meira sko).


Á laugardaginn fórum við hjónin svo í brúðkaupið hjá Viktoríu og Steinþóri. Vorum svo heppin að vera samferða Höllu og Brynjari í kirkjuna og svo í salinn (með smá stoppi á Villabar) og var líf og fjör alla bílferðina hjá okkur.
 
Viktoría var stórglæsileg og guminn auðvitað líka, en dóttir þeirra ákvað að fanga athygli allra í kirkjunni á mikilvægum punkti eða þegar Steinþór játaðist sinni heittelskuðu, en þá gólaði sú stutta hátt og skýrt NEIIIIiiii.   Við hlógum nú töluvert að henni áður en þau gátu haldið áfram með athöfnina og voru þau lýst rétt hjón stuttu síðar.  Veislan var nú líka æði!

Ég á smá bágt í dag, enda var þetta síðasti dagur fæðingarorlofsins míns. Heilt ár og finnst mér að orlofið ætti að vera að lágmarki 18 mánuðir, ég veit hverju ég er að missa af.

Merkilegt að segja þá um leið að það sé nú ekki svo að ég kvíði fyrir að mæta til vinnu aftur. Ég hlakka mjög mikið til og finnst vinnan mín rosalega skemmtileg.. hins vegar er það svo að ég er mamma og hjartað mitt slær fyrir fjölskylduna mína og í dag slær það hátt og fast, því ég veit að þetta er síðasti dagur í orlofi.

Ragnheiður Lovísa á eftir að eiga skemmtilegar stundir hjá dagmömmunni og byrjar þar að byggja sig upp sjálf án verndar og afskipta foreldra sinna.

Ég varð samt sem áður vitni að fyrsta brosinu, fyrsta hlátrinum, fyrstu veltunni, fyrstu skriðtilraununum og fyrsta skriðinu, fyrsta skiptinu þegar hún stóð upp og fyrstu skrefunum. Fann fyrstu tönnina, gaf henni graut í fyrsta sinn og knúsa hana og kyssi á hverjum morgni og hverju kvöldi. Heyri í henni tísta af gleði og öskra þegar hún getur.

Ég veit líka að ég er mamma hennar og sú sem hún hleypur til, faðmar og knúsar, kúrir í hálsakotinu á og klórar í andlitið á. Við hjónin bjuggum hana til með guðs hjálp og ég kom henni í heiminn og þekki hana manna best, hún er litla Ljónið mitt. Litli sólargeislinn minn, litla mömmubarnið mitt og ég á eftir að sakna hverrar mínútu sem ég er ekki með henni.

Mamma (Gunnhildur er í fríi í dag, mömmuhjartað ræður í dag)

Ég er að skoða hvernig ég get sett inn myndir því ég er að pæla í að setja kannski inn svona fyrir og eftir myndir... en það er kannski ekki sniðugt því ég vil auðvitað ekki að hver sem er geti séð það.

Kannski ég haldi myndum bara til haga annarsstaðar eins og við höfum verið að gera.


Anywho, hér eru allir í sumarfríi og mikið búið að vera að gera. Ég var með báðum skottunum mínum í sumarfríi í 2 vikur og svo kom Gunnsteinn minn í frí með okkur. Við erum búin að vera töluvert mikið úti í sandkassa, á svölunum, úti á róló og í erum að hafa okkur í að fara miklu meira í sund og þess vegna hef ég lítið verið á netinu.

Ég verð duglegri að blogga fljótlega því ég á stutt eftir í fæðingarorlofinu og um leið og ég fer að fara að heiman og hafa augnablik til að kíkja í tölvuna án þess að hafa aukafingur sem ýta á esc og slökkva í gríð og erg á tölvunni þá ætti þetta að ganga betur.